Energia berriztagarri desberdinak eta hauen erabilerak ezagutu eta ulertzeko ibilaldi didaktikoa eskaintzen du parkeak. Hainbat energia mota aurkitzen dira, eguzki energia fotoboltaikoa, energia mikrohidraulikoa, energia eolikoa eta biomasaren energia, batik bat. 

Horiei lotuta, parkea hurrengo ekipamenduaz ornituta dago: eguzki plaka fotoboltaikoak, kontsumo baxuko argiztapen zirkuitua, ur-ponpa fotoboltaikoa, eguzki-plaka termikoak, eguzki-sukaldea, eguzkiaren bidez argizaria egiteko tresna, ariete hidraulikoa, turgo mikroturbina, haize-errota, ikaztegia, negutegia, konpostagailua, eta abar. Gainera, energiaren etxean hainbat panel daude, eta baita bateria gela, energia sortzen duten bizikletak ere.

Parkea grafikoa eta ulergarria izanik, partehartzeko aukera ematen du, bere oinarriak hobeto ulertzen lagunduz.