Ilundaingo basoak 100 hektareako basoa da, interesgarri eta erakargarria ikuspuntu didaktikotik, izan ere, dibertsitate handiko ekosistema da, fauna eta flora anitzarekin

Biodibertsitatearen aldetik oso eremu aberatsa da. Hariztiak (Quercus humilis) nagusitzen da, baina horretaz gain, pinu-landaketak, bertako pinadiak, pagadiak (altitude garaietan) eta larre naturalak aurki daitezke ere. Gainera, ezpela, elorri zuria eta ipurua ere agertzen dira basoan.

Ilundaingo basoa bisualki kalitate handikoa izateaz gain, oso aldakorra da, urtaroekin batera inguruaren kolorea aldatzen joaten baita erakargarritasun berezia emanez urte sasoi desberdinei. Faunaren aldetik, dibertsitate handiko zonaldea da.

Ilundaingo basoan señalizatutako bideak aurki daitezke. Hauek dira aurki ditzakegun baliabideak:

• Oreinen lursaila.
• Aterpetxea.
• Larre naturalak Jaca Navarra arrazako zaldiekin.
• Baso didaktikoa: Nafarroako zuhaitz eta zuhaixken bilduma berezia jasotzen duena.
• Irulegiko gazteluaren hondarrak: Irulegi mendiaren tontorrean aurkitzen dira. Garai batean, Nafarroako erresuma defendatzeko balio izan zuen. Azken urteotako garbiketa eta zaharberritze lanei esker gazteluaren oinarrizko neurri eta egitura beha daitezke.